L'associacion Lu Amics de l'Escòla Niçarda Calandreta s'es creada quauqui annadas fa davant la constatacion de que lo niçard patissia d'una insufisència d'ensenhament e de manca de seguit en lo sieu ensenhament. Son de parents e d'actors de la curtura niçarda que si son radunats a l'entorn d'un project d'escòla en niçard. L'impossibilitat -per aüra- de o realisar au dintre de "l'Educacion Nacionala" a menat a la creacion d'una escòla associativa sus lo model dai autris escòlas de lengas non oficiali de França. Pura, la tècola es de realisar un ensenhament public e de o faire reconóisser coma tau.
Es per aquò que l'escòla pretende non faire de seleccion sus lo livèu de vida de li familhas per l'entrar en l'escòla: lu parents participeràn coma pòdon e coma vòlon. Mas tant que l'escòla non troverà lo mejan e lu mesos de faire autrament, seràn convidats a o faire.
Per autre, l'escòla es làïca, e aferma una filosofia dau respect de l'individuo e de la diferència que sonem convivència.